bahut samay pahale kee baat hai, ek gaanv mein ek mahaatma rahate the. aasapaas ke gaanvo ke log apanee samasyaon aur pareshaaniyon ke samaadhaan ke lie mahaatma ke paas jaate the. aur sant unakee samasyaon, pareshaaniyon ko door karake unaka maargadarshan karate the. ek din ek vyakti ne mahaatma se poochha – guruvar, sansaar mein khush rahane ka rahasy kya hai ?
---------------------------
mahaatma ne usase kaha ki tum mere saath jangal mein chalo, main tumhe khush rahane ka rahasy bataata hoon. usake baad mahaatma aur vah vyakti jangal kee taraph chal die. raaste mein chalate hue mahaatma ne ek bada sa patthar uthaaya aur us vyakti ko dete hue kaha ki ise pakado aur chalo. us vyakti ne vah patthar liya aur vah mahaatma ke saath saath chalane laga.
"""""""""""""""""""""""""""
kuchh der baad us vyakti ke haath mein dard hone laga lekin vah chup raha aur chalata raha. jab chalate chalate bahut samay beet gaya aur us vyakti se dard saha nahin gaya to usane mahaatma se kaha ki us bahut dard ho raha hai. mahaatma ne kaha ki is patthar ko neeche rakh do. patthar ko neeche rakhate hee us vyakti ko badee raahat milee.
***************************
tab mahaatma ne usase poochha – jab tumane patthar ko apane haath mein utha rakha tha tab tumhe kaisa lag raha tha. us vyakti ne kaha – shuroo mein dard kam tha to mera dhyaan aap par jyaada tha patthar par kam tha. lekin jaise jaise dard badhata gaya mera dhyaan aap par se kam hone laga aur patthar par jyaada hone laga aur ek samay mera poora dhyaan patthar par aa gaya aur main isase alag kuchh nahin soch pa raha tha.
!!!!!!!!!!!!!!!!!!!!!!!!!!!
tab mahaatma ne usase dobaara poochha – jab tumane patthar ko neeche rakha tab tumhe kaisa mahasoos hua.

🔶is par us vyakti ne kaha – patthar neeche rakhate hee mujhe bahut raahat mahasoos huee aur khushee bhee mahasoos huee.

🔷tab mahaatma ne kaha ki yahee hai khush rahane ka rahasy! is par vah vyakti bola – guruvar, main kuchh samajha nahin।.
+++++++++++++++++++++++++++
tab mahaatma ne use samajhaate hue kaha – jis tarah is patthar ko thodee der haath mein uthaane par thoda sa dard hota hai, thodee aur jyaada der uthaane par thoda aur jyaada dard hota hai aur agar ham ise bahut der tak uthaaye rakhenge to dard bhee badhata jaayega. usee tarah ham dukhon ke bojh ko jitane jyaada samay tak uthaaye rakhenge ham utane hee dukhee aur niraash rahenge. yah ham par nirbhar karata hai ki ham dukhon ke bojh ko thodee see der uthaaye rakhate hain ya use zindagee bhar uthaaye rahate hain.
###########################
isalie agar tum khush rahana chaahate ho to apane duhkh rupee patthar ko jaldee se jaldee neeche rakhana seekh lo aur agar sambhav ho to use uthao hee nahin.is kahaanee se hamen ye shiksha milatee hai ki yadi hamane apane duhkh rupee patthar ko utha rakha hai to shuroo shuroo mein hamaara dhyaan apane lakshyon pe jyaada tatha dukho par kam hoga. lekin agar hamane apane duhkh rupee patthar ko lambe samay se utha rakha hai to hamaara dhyaan apane lakshyon se hatakar hamaare dukhon par aa jaayega. aur tab ham apane dukhon ke alaava kuchh nahin soch paenge aur apane dukho mein hee doobakar pareshaan hote rahenge aur kabhee bhee khush nahin rah paenge.
isalie agar aapane bhee koee duhkh rupee patthar utha rakha hai to use jaldee se jaldee neeche rakhiye matalab apane dukho ko , tanaav ko apane dilo dimaag se nikal phenkie aur khush rahie 😊 tatha lakshy 🎯 ko saadhie.